Саўчанка абвясціла сухую галадоўку праз адмову ў апошнім слове

Расейскі суд перанёс выступ украінскай лётчыцы на 9 сакавіка.

Украінская лётчыца Надзея Саўчанка пачала сухую галадоўку праз пастанову суда перанесці яе выступ з апошнім словам на 9 сакавіка, паведамляе з залы суда карэспандэнт «Новай газеты».

У чацвер у Данецкам гарадскім судзе выступалі адвакаты Саўчанкі, чакалася таксама, што сама лётчыца выступіць з апошнім словам. Яшчэ да пачатку паседжання яна абвясціла, што пачне сухую галадоўку, калі ёй не дадуць слова.

Напярэдадні, пасля выступу пракурора, Надзея Саўчанка заявіла, што не прызнае сябе вінаватай, і паабяцала пачаць галадоўку, калі прысуд будзе абвешчаны пазней, чым праз два тыдні.

«У гэтым судзе даведзеная віна журналістаў, якія загінулі - калі б яны былі ў бронекамізэльках і касках, яны засталіся б жывымі. У гэтым судзе даведзеная віна ФСБ - яны выкрадалі і катавалі людзей. У гэтым судзе даведзеная віна РФ - яна вінаватая ў акупацыі ўкраінскіх зямель, анэксіі Крыма і развязванні вайны на Данбасе. У судзе не даведзеная мая віна. Я абараняла сваю зямлю. І вы не маеце права судзіць мяне. Я ведаю, што прысуд ужо напісаны», - абвясціла Саўчанка паводле вынікаў спрэчкі бакоў.

Нагадаем, пракурор папрасіў для ўкраінскай лётчыцы 23 гады калоніі агульнага рэжыму і штраф у 100 тысяч рублёў.

Працэс над украінскай лётчыцай Надзеяй Саўчанкай пачаўся ў верасні 2015 года. Яе абвінавачваюць паводле артыкула «дапамаганне ў забойстве дзвюх і больш асоб».

Напраўду, Надзея Саўчанка, якая служыла ў Добраахвотніцкім батальёне «Айдар», была захопленая ў палон прарасейскімі сепаратыстамі ў Луганскай вобласці мінулым летам і перапраўленая ў Расею. Яна знаходзіцца ў расейскім следчым ізалятары з лета 2014 года. У снежні ўкраінка абвясціла галадоўку на знак пратэсту супраць затрымання.

Надзея Саўчанка абраная народным дэпутатам Украіны паводле спісу партыі «Бацькаўшчына». Таксама яна з'яўляецца дэпутатам ПАРЕ.

Раней паведамлялася, што сёння, 2 лютага, абарона лётчыцы УСУ Надзеі Саўчанкі атрымала вынікі экспэртызы, якая пацвердзіла дачыненне да выкрадання ўкраінкі Паўла Карпава - памочніка крамлёўскага куратара Украіны Уладзіслава Суркова.