Алігатар сеў за стырно аўто, ратуючыся ад зоаабаронцы
4- 30.05.2016, 12:56
- 15,321
Рэптылію пакінулі на ноч у багажніку.
У амерыканскім горадзе Х'юстан абаронца дзікай прыроды выявіла алігатара за стырном свайго аўтамабіля. Аб гэтым паведамляецца на старонцы арганізацыі Gator Squad у Facebook, паведамляе Корреспондент.
Двухметровая рэптылія, спрабуючы збегчы з багажніка, дзе яе пакінулі на ноч, выбралася ў салон і захрасла паміж стырном і лабавым шклом.
У такім становішчы дзяўчына і выявіла драпежніка раніцай.
Зоаабаронца вызваліла алігатара з салона і даставіла ў мясцовую арганізацыю захавання дзікай прыроды Gator Squad, пра што сведчыць відэа.
Адзначаецца, што ніхто не пацярпеў.