Выпушчаны першы смартфон з камерай начнога бачання
5- 4.06.2016, 14:12
- 26,070
Сёння прылада не мае аналагаў на рынку.
Дацкая кампанія Lumigon выпусціла першы ў свеце смартфон T3, абсталяваны ўбудаванай камерай начнога бачання. Сёння прылада не мае аналагаў на рынку, паведамляе Карэспандэнт са спасылкай на GSMArena.
Паведамляецца, што гаджэт таксама атрымаў трывалы металічны корпус з 4,8-цалевым Super AMOLED-дысплэем з разрознасцю HD, а таксама ахоўным шклом Gorilla Glass 4.
Смартфон мае васьміядравы працэсар MediaTek Helio X10 і функцыянуе пад кіраваннем Android 6.0 Marshmallow.
Аператыўная памяць прылады складае 3 ГБ, у той час як убудаваная – 128 ГБ.
Смартфон мае франтальную камеру 5 Мп, а таксама асноўную 13 Мп. Пры гэтым модуль камеры начнога бачання размешчаны на тыльным баку гаджэта. Камера атрымала двайное інфрачырвонае падсвятленне і разрознасць 4 Мп.