Uber увёў у дзеянне першыя беспілотныя таксі
- 14.09.2016, 19:35
- 15,841
Сэрвіс таксі Uber 14 верасня увёў у дзеянне ў Пітсбургу, штат Пэнсільванія, беспілотныя таксі.
Як паведамляе Reuters, першымі іх пасажырамі сталі журналісты.
Пакуль на дарогах Пітсбурга працуюць чатыры самакіравальныя аўтамабілі. У салоне кожнага з іх знаходзяцца кіроўца і інжынер, якія пры патрэбе могуць узяць кіраванне на сябе.
Uber выкарыстоўвае для перавозкі пасажыраў самакіравальныя аўтамабілі мадэлі Ford Fusion з гібрыдным рухавіком, абсталяваныя 3D-камерамі, GPS і лазерным датчыкамі для арыентацыі ў прасторы. Надалей флот кампаніі папоўніцца аўтамабілямі Volvo.
Пад канец года кампанія абяцае, што на дарогах Пітсбурга будуць ездзіць ужо дзясяткі беспілотных аўтамабіляў.