У Пецярбургу беларус у першы працоўны дзень абакраў кантору
18- 24.09.2016, 21:38
- 135,781
Як разбагацець, працуючы толькі адзін дзень, прыдумаў прыхадзень з Беларусі.
У Неўскім раёне паліцыя шукае ўраджэнца Беларусі, які абакраў кантору адной з кампаній для ўсталявання вокнаў.
За дзень да падзей ён уладкаваўся на працу ў кантору кампаніі для ўсталявання пластыкавых вокнаў на праспекце Абухоўскай Абароны. Чым ён зрабіў такое прыкметнае ўражанне на сваіх новых працадаўцаў, якія зазвычай не бяруць работнікаў канторы з вуліцы, будуць высвятляць следчыя, паведамляе «Питерец».
У канцы першага жа працоўнага дня новы супрацоўнік спраўна сабраў са сталоў сваіх новых калег восем кампутараў, расклаў іх у дзве торбы, і павольна, каб не прыцягваць увагу залішняй мітуснёй, захоўваючы самавітасць і пачуццё ўласнай годнасці, выйшаў на двор.
Як запісана ў журнале ўліку супрацоўнікаў, злодзею не споўнiлася яшчэ і трыццаць гадоў.
Прыехаўшы на месца крадзяжу, супрацоўнікі паліцыі высветлілі асобу падазраванага, знялі са сталоў адбіткі пальцаў злачынца і расчаліся з аперацыйна-вышуковымі дзеяннямі, якія пакуль што поспехам не скончыліся.
Следства працягваецца.