Чэшскія спецыялісты правераць БелАЭС
9- 27.09.2016, 10:30
- 13,556
Астравецкую АЭС правераць на ўстойлівасць да землятрусаў, затаплення і экстрэмальных пагодных умоў.
Спецыялістаў з Чэхіі плануецца прыцягнуць да стрэс-тэстаў на Беларускай АЭС, якія пройдуць у снежні.
Пра гэта паведамляе БелТА са спасылкай на тэлеканал АНТ.
Перш у снежні так званая SEED-місія з экспэртаў МАГАТЭ прааналізуе выбар будаўнічай пляцоўкі. І ў гэтым жа месяцы адбудуцца стрэс-тэсты, як было дамоўлена з Расеяй.
Праводзіць стрэс-тэсты будзе навукова-даследчы і праектна-канструктарскі інстытут энэргетычных тэхналогій АТ «Атампраект». Беларускую АЭС падчас выпрабаванняў правераць на ўстойлівасць да землятрусаў, затаплення і экстрэмальных пагодных умоў.
Пра вынікі стрэс-тэстаў на АЭС Беларусь паінфармуе Еўракамісію.