«Ядзерная дубінка» Расеі зноў выпала з рук

Найноўшая расейская ядзерная ракета «Булава» выбухнула амаль адразу пасля пуску.

Залпавы пуск адразу двух балістычных ракет «Булава» з борта падводнага атамнага ракетнага крэйсера «Юрый Далгарукі» скончыўся няўдачай - адна з ракет самаліквідавалася, паведамляе РБК.

Стральба ракетамі вялася з акваторыі Белага мора па Камчацкім палігоне Кура 27 верасня. У Мінабароны паведамілі, што абедзве ракеты штатна выйшлі з шахт падводнай лодкі па зададзенай траекторыі. Баявыя блокі першай ракеты выканалі поўны цыкл праграмы палёту і паспяхова пабілі зададзеныя мэты на палігоне. Другая ракета пасля выканання першага этапу палёту самаліквідавалася.

Расейскую цвёрдапаліўную балістычную ракету «Булава» на іспытах пастаянна пераследуюць няўдачы. З 21 запуску восем былі прызнаныя аварыйнымі.

Раней у лістападзе мінулага года таксама праваліўся залпавага пуск ракет «Булава» з борта падводнага крэйсера стратэгічнага прызначэння (РПКСН) К-551 «Уладзімір Манамах».

Тады памылка пры падрыхтоўцы да старту прывяла да пашкоджання ракеты пры выхадзе з шахты і наступнага адхілення ракеты і баявых блокаў ад зададзенай траекторыі.

Галаўная лодка праекта 955 «Борам» - «Юрый Далгарукі» - была прынятая на ўзбраенне ВМФ у канцы 2012 года.

АПЛ праекта 955 «Борам» маюць даўжыню блізу 170 метраў, шырыню 13,5 метра і поўнае водазмяшчэнне 24 тысячы тон. На ўзбраенні карабля 16 ракет «Булава-30», якія распрацоўвае Маскоўскі інстытут цеплатэхнікі. Ракеты гэтага тыпу могуць несці да 10 ядзерных блокаў індывідуальнага навядзення з палепшанымі характарыстыкамі ў пераадоленні ПРА. Радыус дзеяння «Булавы» - 8 тысяч кіламетраў. Акрамя балістычных ракет падводная лодка абсталяваная тарпеднымі апаратамі.