Дырэктар школы ў Лунінецкім раёне падазраецца ў прысваенні КамАЗа

На баланс школы ў 2006 годзе быў прыняты грузавы аўтамабіль, які ў 2015 «спісалі» на другасную сыравіну.

У Лунінцы расследуецца крымінальная справа ў дачыненні да дырэктара школы, які падазраецца ў прысваенні аўтамабіля КамАЗ, паведаміла БелТА афіцыйны прадстаўнік упраўлення Следчага камітэта Берасцейскай вобласці Марына Дранькова.

У вытворчасць Лунінецкага РАСК паступілі матэрыялы крымінальнай справы, узбуджанай у дачыненні да дырэктара сельскай школы паводле ч. 3 арт. 211 (прысваенне маёмасці асобай, якой яно даверана, у буйнай суме) КК. На баланс установы адукацыі ў 2006 годзе быў прыняты грузавы аўтамабіль. На той момант яго кошт складаў Br11 млн (недэнамінаваных). Згодна з дакументам, у 2015 годзе КамАЗ быў спісаны на другасную сыравіну. Але, паводле наяўных звестак, транспартны сродак быў прададзены яшчэ сем гадоў таму. У датычнасці да здзяйснення супрацьпраўных дзеянняў таксама падазраецца былы майстар вытворчага навучання.

Для высвятлення ўсіх акалічнасцяў праводзяцца допыты, вывучаецца фінансава-гаспадарчая дзейнасць школы, ажыццяўляецца комплекс мерапрыемстваў, накіраваны на ўстанаўленне месцазнаходжання грузавіка.