Трамп паабяцаў быць з Пуціным «больш жорсткім» за Клінтан

Абраны прэзідэнт ЗША заявіў, што ў яго няма ніякіх спраў з Расеяй.

Абраны прэзідэнт ЗША Дональд Трамп заявіў, што не ведае, ці атрымаецца ў яго наладзіць стасункі з прэзідэнтам Расеі Уладзімірам Пуціным. Пра гэта ён распавёў на прэс-канферэнцыі.

«Я не ведаю, ці ўдасца мне наладзіць стасункі з Пуціным. Можа, не атрымаецца. Але калі не, то як вы думаеце, ці магла б Гілары [Клінтан] быць больш жорсткім з Пуціным, чым я? Я буду больш жорсткім», — сказаў Трамп.

Ён адзначыў, што калі Пуціну «падабаецца Трамп, то гэта называецца перавагай».

«У мяне няма ніякіх спраў з Расеяй. Я не браў крэдытаў, у мяне няма дзелавых сувязяў з Расеяй», — сказаў Трамп, адказваючы на пытанне аб публікацыі дакладу пра «расейскі кампрамат» на яго.

Трамп таксама заявіў, што хакерскія атакі акрамя Расея ўчыняюць і іншыя краіны. «Я думаю, гэта была Расея, але кібератакі (супраць ЗША) ўчыняюць і іншыя краіны», — адзначыў ён.