Абама пабіў рэкорд у лайках апошнім прэзідэнцкім запісам у Twitter
3- 12.01.2017, 9:06
- 11,681
Прэзідэнт ЗША папрасіў амерыканцаў верыць у свае здольнасці рабіць перамены.
Развітальны запіс дзейнага прэзідэнта ЗША Барака Абамы ў Twitter стаў самым папулярным за ўсю гісторыю існавання ягонай старонкі ў гэтай сетцы мікраблогаў. Пра гэта сведчаць звесткі амерыканскага інтэрнэт-партала CNET, паведамляе ТАСС.
«Дзякуй вам за ўсё. Мая апошняя просьба будзе той жа, што і першая. Я прашу вас верыць не толькі ў мае здольнасці рабіць перамены, але і ў вашыя ўласныя», - гэты апублікаваны ў сераду запіс адыходзячага кіраўніка дзяржавы працытавалі больш за 650 тысяч карыстальнікаў Twitter, а больш за 1,4 млн паставілі пад запісам свой «лайк».
Да гэтага найбольш папулярнымі былі паведамленні Абамы аб стварэнні старонкі ў Twitter у чэрвені 2013 года, а таксама аб легалізацыі аднаполых шлюбаў у чэрвені 2015 г. і аб планах зніжэння кошту вышэйшай адукацыі ў ЗША ў ліпені таго ж года.
20 студзеня адбудзецца інаўгурацыя абранага прэзідэнта ЗША Дональда Трампа - дзейная старонка Абамы ў Twitter таксама пяройдзе новаму кіраўніку дзяржавы.
Thank you for everything. My last ask is the same as my first. I'm asking you to believe—not in my ability to create change, but in yours.
— President Obama (@POTUS) 11 января 2017 г.
