25 траўня 2017, Чацвер, 0:32

Эканамічная загадка: адгадайце, у якой з краін ідзе вайна?

12

Ёсць дзве усходнееўрапейскія краіны — А і Б. У адной з іх ідзе вайна, а другая — «астравок стабільнасці».

Пра гэта ў Facebook піша Сяргей Корсак.

1) Намінальны ВУП у далярах ЗША ў 2015 годзе ў адносінах да 2014 года знізіўся на 28,3% у краіне А, і на 32,1% у краіне Б.

2) Нацыянальная валюта (сярэднеўзважаны гадавы яе курс да даляра ЗША за 2016 г. у параўнанні з ім жа за 2015) абясцэнілася на 25% у краіне А і на 14% у краіне Б.

3) Індэкс спажывецкіх цэн за 2016 год склаў 110,6% у краіне А і 112,4% у краіне Б.

4) Міжнародныя рэзервовыя актывы (па метадалогіі МВФ) за 2016 год выраслі на 18% у краіне А і на 16,8% у краіне Б.

5) Замежная запазычанасць (у далярах ЗША) скарацілася на 5,3% у краіне А, і на 6,4% у краіне Б.

6) Дэфіцыт рахунку існых аперацый у краіне А скараціўся (у далярах ЗША) з 5.2 млрд у 2014 годзе да 2,0 млрд у 2015 годзе, і з 4,6 млрд да 0,19 млрд за той жа перыяд у краіне Б.

А цяпер, увага, пытанне!

У якой з гэтых краін апошнія тры гады ідзе вайна, а ў якой — па-ранейшаму кіруе Лукашэнка?