«Гэта ганьба»: У Слуцку выпусцілі хлеб з «яцямі»

Упакоўка хлеба ад Слуцкага камбіната аформлена на дзіўнай мяшанцы беларускай мовы і расейскай дарэвалюцыйнай арфаграфіі.

Пра гэта ў «Фэйсбуку» напісаў намеснік старшыні Беларускага Кангрэсу дэмакратычных прафсаюзаў Сяргей Антусевіч.

Прафсаюзны лідар апублікаваў фота ўпакоўкі хлеба «Купецкі нарэзаны», на якім напісана нейкая дзікая абракадабра на неіснуючай мове: «Хлебъ с солодомъ! Откройце пікантны и сладковаты вкус и нѣзвычайны ароматъ».