Аляксандр Глеб: Ёсць каманды, якія ў гэтым сезоне настроены даць бой БАТЭ
5- 12.01.2017, 17:57
- 13,138
У гэтым футбольным годзе ў барысаўцаў будзе высокая канкурэнцыя ў барацьбе за залатыя медалі.
Паўабаронца Аляксандр Глеб, які мінулы сезон правёў у БАТЭ, распавёў minsknews.by аб тым, што гэтым футбольным годзе ў барысаўцаў будзе высокая канкурэнцыя ў барацьбе за залатыя медалі.
– Вядома, больш вострая канкурэнцыя была б больш карыснай і для чэмпіянату краіны, і для нашай каманды. І заўзятарам спадабалася б. Але, наколькі я дасведчаны, ёсць калектывы, якія ў наступным сезоне маюць намер значна ўзмацніцца і настроеныя даць бой БАТЭ. Думаю, у гэтым выпадку «золата» не дастанецца Барысаву такой жа малой крывёю.
– Будзем спадзявацца. Вось толькі ці дазволяць ім узмацніцца фінансавыя магчымасці? Добрых легіянераў за сціплыя грошы не набудзеш, а ў рэспубліцы, на жаль, ручаёк і зусім збяднеў да непрыстойнасці, яскравыя таленты напералік.
– Але мы ж гэтага не ведаем. А раптам у якога-небудзь клуба з'явіліся сур'ёзныя грошы?
– У берасцейскага «Дынама»?
– Скажам, не толькі ў берасцейскага...увогуле, паглядзім.
– Цяперашні правал у еўракубках балюча ўдарыў па кішэнях гульцоў найлепшай каманды краіны?
– Ударыў, але, шчыра кажучы, гэта ўжо другарадны фактар. Балюча, што мы не кваліфікаваліся і не трапілі ў групавы турнір. Усё ж без еўракубкаў футбольны сезон нельга ўважаць за паўнавартасны, для ФК БАТЭ прынамсі. Таму што перад намі заўсёды такая задача ставіцца, і, калі яна не выкананая, значыць, год няўдалы.
– Былі і рэзкія, і больш узважаныя ацэнкі двух вашых ключавых супрацьстаянняў – з «Дандолкам» і «Астаной». Чаго, на твой погляд, у глабальным сэнсе не хапіла, каб перамагчы спаборнікаў, якія здаваліся абсалютна слабымі?
– У першую чаргу не ставала жадання, настрою. Таму што, думаю, па класе мы ўсё-такі былі вышэй.
– Няўжо? Кідалася ў вочы, што ў тых жа казахстанцаў, якія не дазволілі вам прабіцца хоць бы ў групавы раўнд Лігі Еўропы, на вядучых ролях экс-югаславы, калумбійцы і нават афрыканцы. Можа, і нам пара пайсці гэтым шляхам? Або такое проста не па кішэні?
– Легіянеры таксама бываюць рознага ўзроўню. Нейкіх мы можам набыць, нейкіх - не, тыя ж экс-югаславы для Беларусі —даўно не экзотыка. А так, у прынцыпе, нядрэнных футбалістаў цалкам рэальна зачапіць, думаю, і нашым клубам гэта па сродках, проста трэба час, каб іх шукаць.
– На іх шмат не заробіш і агенты не асабліва рвуцца распрацоўваць гэтую жылу?
– Трэба шукаць.