У Баранавічах лекарам прапаноўваюць працаваць за $100
26- 14.01.2017, 21:10
- 182,433
Медсястры ў Баранавіцкай дзіцячай гарадской лякарні ахвочыя плаціць 250 рублёў.
Агулам на сайце управы працы, занятасці i сацыяльнай абароны Баранавіцкага гарвыканкама на 13 студзеня 2017 года 204 вакансіі. З іх у 46 вакансіях прапануюць заробак меншы за 300 рублёў, піша intex-press.by.
181 рубель
У Баранавіцкі раённы вузел сувязі патрабуецца паштар 4 катэгорыі. Патрабаванне - агульная сярэдняя адукацыя.
200 рублёў
Ва УАЗ «Баранавіцкі гарадскі шпіталь №2» патрабуецца лекар-спецыяліст. У графе «дадатковыя пажаданні» стаіць лекар-рэфлексатэрапеўт. Патрабаванне - вышэйшая адукацыя.
230 рублёў
ААТ «БВБА» патрабуецца аператар вузлавязальной машыны. Патрабаванне - агульная сярэдняя адукацыя.
240 рублёў
Вакансій з такой заплатай на сайце тры.
У інспекцыю Міністэрства падаткаў і збораў Баранавічаў патрабуецца старшы дзяржаўны падатковы інспектар. Патрабаванне - вышэйшая адукацыя.
У яслі-сад №46 і №54 патрабуюцца кухары 3-4 катэгорыі. Патрабаванне да кандыдатаў - прафесійна-тэхнічная адукацыя.
Яшчэ адна вакансія з заробкам 240 рублёў - зборшчык абутку на ААТ «Баранавіцкая абутковая фабрыка». Патрабаванне - прафесійна-тэхнічная адукацыя.
250 рублёў
Вакансій з такой заплатай на сайце дзве.
У Баранавіцкую дзіцячую гарадскую лякарню патрабуецца медсястра. Адукацыя у кандыдата мае быць сярэдняя спецыяльная.
Яшчэ адна вакансія – электрамантажнік для рамонту і абслугоўвання электраабсталявання ў СМП №294 ААТ «Трэст Белтрансбуд».