Жыццю дзяўчынкі, якая патрапіла пад хуткую дапамогу, нішто не пагражае

Медыкі дыягнаставалі ў дзіцяці закрытую чэрапна-мазгавую траўму, удар галаўнога мозгу і мяккіх тканін галавы.

Жыццю дзяўчынкі, якая патрапіла пад колы аўтамабіля хуткай дапамогі ў Віцебскім раёне, нішто не пагражае. Пра гэта паведамляе БелТА са спасылкай на афіцыйную прадстаўніцу УСК Віцебскай вобласці Святлану Сахараву.

«Дзіцяці нададзеная неабходная медыцынская дапамога, жыццю дзяўчынкі нішто не пагражае, - распавяла Святлана Сахарава. - Медыкі дыягнаставалі ў дзіцяці закрытую чэрапна-мазгавую траўму, удар галаўнога мозгу і мяккіх тканін галавы, а таксама іншыя траўмы».

Віцебскі раённы аддзел Следчага камітэта аб гэтым здарэнні праводзіць праверку.

Нагадаем, наезд адбыўся 14 студзеня, блізу 21.40, на Цэнтральнай вуліцы ў аграгарадку Кіраўскі Віцебскага раёна. Пад колы машыны хуткай медыцынскай дапамогі трапіла 3-х гадовае дзіця, якое выпала з дзіцячых санак і выкацілася на праезную частку.

Дзіця ў надзіманых санках перавозіла 30-гадовая знаёмая маці дзяўчынкі. У момант ДТЗ маці знаходзілася недалёка ад месца здарэння. Дзяўчынка з рознымі пашкоджаннямі была шпіталізаваная ў нейрахірургічнае аддзяленне Віцебскай абласной клінічнай лякарні.