Пад Докшыцамі сабака пяты год чакае свайго гаспадара
22- 16.01.2017, 18:37
- 33,692
Верны сабака глядзіць у вочы кіроўцам, якія спыняюцца, але блізка да сябе нікога не падпускае.
Гісторыю пра сабачую вернасць распавяла сайту сайту «Зялёная сетка» Марына Яскевіч
Са слоў Марыны, сабака ўжо пяты год жыве каля дарогі з Докшыцаў на станцыю Параф'янава. Часам сабака кудысьці сыходзіць, але заўсёды вяртаецца на сваё месца.
Мясцовыя жыхары не адзін раз хацелі забраць сабаку да сябе, але блізка ён нікога да сябе не падпускае, а па-ранейшаму чакае свайго гаспадара. Вернага сабаку часта падкормліваюць, але да ежы ён падыходзіць толькі тады, калі людзі з'язджаюць.
Мясцовыя жыхары расказваюць, што бачылі, як сабаку гаспадар выкінуў з самаходу каля пяці гадоў таму. Увесь гэты час сабака жыве ля дарогі і чакае свайго гаспадара.
