Літоўцы самыя шчаслівыя з народаў Балтыі
2- 18.01.2017, 9:45
- 14,708
Хоць агулам стаўленне жыхароў Балтыі да шчасця больш стрыманае, чым у астатнім свеце.
Жыхары Літвы больш шчаслівыя за жыхароў Латвіі і Эстоніі, паказвае Сусветны барометр Win/Gallup International і Baltic Market Insights, піша delfi.lt.
Са звестак даследавання, у канцы 2016 года 54% літоўцаў сказалі, што шчаслівыя, у Эстоніі гэты паказчык быў 53%, у Латвіі - 49%.
Між тым глабальны Індэкс шчасця ў канцы 2016 года паказваў, што 59% жыхароў свету адчуваюць сябе шчаслівымі.
У сваю чаргу, жыхары краін Балтыі ў канцы 2016 года больш песімістычна за жыхароў усяго астатняга свету адклікаліся аб эканоміцы.
Індэкс эканамічных чаканняў у Літве склаў 16%, у Латвіі - 34%, у Эстоніі - 15%. Між тым глабальны Індэкс эканамічных чаканняў склаў 20%. Падчас даследавання Win/Gallup International і Baltic Market Insights у канцы 2016 года былі апытаныя 66,6 тысячы чалавек з 66 краін. У кожнай краіне Балтыі было апытана 500 чалавек.