Дзе акунуцца ў палонку ў Менску і ваколіцах на Хрышчэнне
2- 18.01.2017, 16:07
- 29,321
У чацвер, 19 студзеня, праваслаўныя адзначаюць Вадохрышча і згодна з традыцыяй акунаюцца ў палонку.
Дзе і калі для гэтага абсталююць месца ў Менску і ваколіцах — у інфаграфіцы tut.by.
Месцы для купання будуць абсталяваны ў раёнах дзеяння выратавальных станцый сталічнага Таварыства ратавання на водах 18 студзеня з 16.00 да 22.00 і 19 студзеня з 09.00 да 19.00. Між іншым, палонкі з'явяцца на Камсамольскім возеры, вадасховішчы «Дразды», «Крыніца», Менскім моры, Пцічы і Вячы.
На вадаём спецыялісты рэкамендуюць узяць з сабой тэрмас з гарачай гарбатай, цёплы халат з капюшонам, сланцы або тэпці, турыстычны дыванок і ручнік. Таксама варта памятаць пра тое, што акунацца ў палонку трэба асцярожна, каб кантраст тэмператур не справакаваў спазм. Апускацца ў ледзяную ваду можна ўсяго на некалькі секунд, а пасля трэба хутка расцерціся ручніком і надзець сухое адзенне. Перад апусканнем нельга ўжываць спіртныя напоі.