Пасля землятрусу гатэль у Італіі накрыла снегам

У выніку сходу лавіны загінулі 30 чалавек.

Прыбылыя на месца ратавальнікі аказалі дапамогу двум пацярпелым блізу пахаванага пад снегам гатэля Rigopiano di Farindola у цэнтральнай Італіі. Пра гэта паведаміў у чацвер навінавы канал RaiNews24, паведамляе TACC.

Паводле звестак відавочцаў, прынамсі тры чалавекі прапалі без вестак, яшчэ прыблізна 20 чалавек аказаліся заблакаваныя ўнутры будынка пасля некалькіх падземных штуршкоў.

Два выратаваныя чалавекі — Джыампіера Парэтэ і Фабіа Сальцэта — у момант трагедыі знаходзіліся па-за сценамі гатэля і сталі відавочцамі сходу лавіны. Ім удалося схавацца ўнутры аўтамабіля, пагрозы іх жыццю няма. На сведчанне відавочцаў, яшчэ прынамсі тры чалавекі прапалі без вестак у ваколіцах гатэля. Паводле іншых звестак, сярод пастаяльцаў гатэля былі дзеці.

Пра стан блізу 20 чалавек, заблакаваных унутры будынка, інфармацыі пакуль няма. Як паведамляе тэлеканал, унутры пахаванага пад снегам і часткова разбуранага будынка бачнае святло, аднак чалавечых галасоў не чуваць.

Ратавальнікі, што выправіліся да гатэля на лыжах напярэдадні ўвечары, удалося дабрацца да месца здарэння толькі ў чацвер да 04.40, адзначае газета Repubblica.

Як пазней паведаміла агенцтва Reuters, у гатэлі «Рыджапіана» ў правінцыі Пескара італьянскага рэгіёну Абруцца выяўлена блізу 30 целаў загінулых.

Сход лавіны, справакаваны серыяй падземных штуршкоў, адбыўся ў раёне горнага масіва Гран-Сассі-д'італія ў правінцыі Абруцца ў цэнтральнай Італіі ў сераду ўвечары.

«Дапамажыце, мы паміраем ад холаду», — такое паведамленне ўдалося адправіць пастаяльцам гатэлю.

Тры магутныя падземныя штуршкі магнітудай ад 5,3 да 5,5 адбыліся ў сераду раніцай на мяжы абласцей Лацыё, Марцы і Абруца. У многіх раёнах цэнтральнай Італіі магутны снежны полаг цяпер дасягае аднаго-двух метраў. На расчыстку снегу кінутыя дадатковыя сілы, прыцягнутыя вайскоўцы. Блізу 150 тысяч чалавек застаюцца без электрычнасці.