Apple вырабіць iPhone X з «абгорнутым» экранам
6- 19.01.2017, 18:42
- 19,933
Кампанія Apple у 2017 годзе вырабіць тры новыя версіі смартфона.
Apple вырабіць iPhone 4,7 і 5,5-цалевыя мадэлі, якія зменяць iPhone 7 і iPhone 7 Плюс, а таксама мадэль iPhone X з «абгорнуты» экранам, паведамляе Appleinsider.
Аб планах Apple распавёў аналітык кампаніі Cowen and Company Тымаці Аркары, які спаслаўся на крыніцы сярод прадаўцоў Apple. Мадэль iPhone X атрымае 5,8-цалевы OLED-дысплей, які будзе ісці ад закраіны да закраіны. «Абгорнуты» (wraparound) экран, як чакаецца, будзе «фіксаваны і гнуткі».
Гарнітура, камера для сэлфі і відэасувязі FaceTime ды сканэр адбіткаў пальцаў Touch ID, як здагадваюцца экспэрты, будуць умайстраваныя ў OLED-экран новага смартфона. Тымаці Аркари дапусціў, што Apple таксама дадасць у мадэль сканэр райка вока і лазэрны сэнсар для падтрымкі кіравання на мігі. Таксама смартфон будзе падтрымліваць бяздротавае сілкаванне.
Раней розныя крыніцы паведамлялі, што новы iPhone могуць выканаць цалкам з шкла з выгнутымі бакамі. Смартфон атрымае 16-мегапіксэльную асноўную камеру і 8-мегапіксэльную камеру для сэлфі, порт USB Type-C і AMOLED-экран ад закраіны да закраіны. Будуць вырабленыя айфоны трох памераў у шасці варыянтах аздобы.
В этом году ожидается новая версия #iphone с "обёрнутым" экраном и диагональю 5,8"#geek #apple pic.twitter.com/mmMsGTQuaw
— Geek Geard TV (@GeekBeardTV) 18 января 2017 г.