Беларус, які з'ехаў без грошай у ЗША, стаў мультымільянерам

Гісторыя гэтага чалавека падобная на казку.

Анатоль Меліхаў эміграваў з Беларусі ў ЗША 27 гадоў таму, не маючы ні грошай, ні ведання мовы. А сёння ён мультымільянер і вядомы філантроп, дзейнасць якога падтрымліваюць Біл Клінтан і Ева Лангорыя, піша myfin.by.

Анатоль (у амерыканскім варыянце - Энтані) пераехаў з Менска ў Чыкага ў 1989 годзе разам з жонкай, якая на той момант была цяжарная дачкой. Як успамінае наш зямляк у адным з інтэрв'ю, тады ў іх практычна нічога не было за душой.

Але ўжо ў 1992-м Меліхаў заснаваў фармацэўтычную кампанію для вытворчасці безрэцэптурных лекаў пад назвай Sagmel.

- Я пачаў свой бізнэс разам з двума сябрамі і партнёрамі з нуля, распрацаваўшы ўсю лінейку брэнда, - кажа ён.

Чаму абралі менавіта гэтую сферу? У разваленым Савецкага Саюза фармацэўтыка была недастаткова развітой, асабліва ў сферы лекаў, якія прадаюцца без рэцэптуры, тлумачыць Анатоль.

- Прыехаўшы ў ЗША, мы ўбачылі, што тут да іх зусім іншае стаўленне: тавар быў з яркімі этыкеткамі і вельмі даступны, - удакладняе ён.

Таму Меліхаў з сябрамі і наважылі даставіць гэтыя прадукты ва Усходнюю Еўропу, пакуль туды яшчэ не паспелі прыйсці буйныя брэнды.

Развіццё бізнэсу ішло сямімільнымі крокамі. У 1994-м адкрылася першае прадстаўніцтва кампаніі за мяжой, а ў 1997-м яе акцыянерам стаў буйны гулец рынка Perrigo Co.

- У выніку мы прыйшлі да прадстаўніцтваў ва ўсіх краінах Усходняй Еўропы і продажаў на сотні мільёнаў, - распавядае Анатоль.

Штаб-кватэра Sagmel знаходзілася ў горадзе Ліберцівілі, штат Ілінойс. У штаце кампаніі да 2008 года налічвалася блізу тысячы чалавек. А ў партфелі значыліся такія прэпараты, як «Тэрафлекс», «Назол», «Рэліф», а таксама вітаміны «Кальцамін», «Тэравіт» і «Джунглі».

Аднак, як кажа Меліхаў, які стаў прэзідэнтам кампаніі, ён нарэшце адчуў сябе дыскамфортна і ўжо не хацеў прадаўжаць жыццё, напоўненае карпаратыўнымі інтарэсамі.

- На нейкім этапе пачынаеш думаць пра сэнс жыцця. Не важна, колькі ў цябе грошай і колькі ўлады яны даюць, гэта толькі часовае задавальненне, - кажа ён.

Таму вельмі дарэчы ў 2008 годзе кампанію Sagmel купіў фармацэўтычны гігант Bayer Pharmaceuticals. У выніку, як выказаўся Анатоль, ён раптам стаў вольным.

І здзейсніў даволі нечаканы крок: з'ехаў глыбока ў джунглі Панамы, у адно з самых некранутых месцаў, якія калі-небудзь бачыў. Там ён правёў блізу года, займаючыся медытацыяй і кітайскай гімнастыкай тай-чы.

- Але зразумеў, што хочацца чагосьці іншага, ёсць мэта больш высокая. Вярнуўся ў Чыкага, і пачалася мая філантрапічнай дзейнасць, - апавядае Меліхаў.

У 2010-м ён заснаваў фонд Bright Future International, каб дапамагаць у розных краінах дзецям і дарослым, якія трапілі ў цяжкія абставіны. Праграма ахапіла Расею, Руанду, Кенію, Панаму...

Затым філантроп запусціў рух Unite4: good, мэтай якога стала прапаганда ў сусветным маштабе ідэй валанцёрства і здзяйснення добрых учынкаў.

Часткай гэтага руху стала штогадовая цырымонія ўручэння ўзнагарод за гуманнасць, якая праводзіцца напярэдадні кінапрэміі «Оскар». Сярод гасцей цырымоніі - Біл Клінтан, Роберт дэ Ніра, Ева Лангорыя, Марцін Скарсэзэ і іншыя вядомыя людзі.

Цяпер Анатоль (Энтані) Меліхаў разам з жонкай Марынай пражывае ў штаце Ілінойс. У іх ёсць дачка Алівія.