Новазеландзец не пазнаў сусветную зорку, але на ўсялякі выпадак зрабіў з ім сэлфі
4- 20.01.2017, 12:25
- 22,430
Маладзён не разгубіўся, калі ўбачыў, што ўсе фатаграфуюцца з незнаёмцам.
Новазеландскі комік Джэймс Малькольм чакаў свайго самалёта ў аэрапорце Велінгтона, калі ўбачыў у зале доўгавалосага мужчыну, з якім усе фатаграфуюцца. Малькольм не зразумеў, хто гэта, і спытаў у сваіх падпісчыкаў у твітэры, піша meduza.io.
«Калі ласка, хто-небудзь, скажыце мне, што гэта за зорка? Усе просяць яго сфатаграфавацца, і я адчуваю, што нешта выпускаю», - напісаў Малькольм.
Does anyone know who this is? People keep asking him to sign their t shirt pic.twitter.com/Md4fU1uKZD
— James Malcolm (@DieJamesMalcolm) 17 января 2017 г.
Са слоў коміка, ён атрымаў толькі два адказы, і абодва былі жартаўлівымі. Таму Малькольм наважыў на ўсялякі выпадак зрабіць сэлфі з незнаёмцам.
Can someone please tell me who this celeb is? Everyone was asking him for pics and I didn't wanna feel left out pic.twitter.com/s67vF5rZKZ
— James Malcolm (@DieJamesMalcolm) 17 января 2017 г.
Выявілася, комік сапраўды не ўяўляе, што сфатаграфаваўся з аўстралійскім рок-музыкам Нікам Кэйвам, вядомым таксама як паэт, пісьменнік, аўтар музыкі да фільмаў і сцэнарыст. Пасля гэтага ён атрымаў дзясяткі адказаў: адны проста падказвалі яму імя «незнаёмца», а іншыя здзекаваліся з Малькольма.
Шмат хто заступіўся за Малькольма, таму што ён мог і не ведаць Ніка Кейва, бо яшчэ дзіця. Малькольму 21 год.
Цікава, што пасля гэтай гісторыі комік так і не паслухаў твораў спевака.