Міністэрства абароны Вялікабрытаніі: РФ працягвае займацца кібервойнамі
2- 20.01.2017, 15:43
- 4,779
Расея мілітарызуе Крым, і размяшчае ядзерныя боегалоўкі ў Калінінградзе.
Міністр абароны Вялікабрытаніі Майкл Фэлан заявіў, што Расея працягвае займацца кібервойнамі і прапагандай, каб падарваць бяспеку іншых краін, і не толькі сваіх суседзяў, паведамляе Еўрапейская праўда.
«За апошнія некалькі гадоў мы сталі сведкамі таго, як ваяўнічая Расея мілітарызуе Крым, размяшчае ядзерныя боегалоўкі ў Калінінградзе і аказвае ціск на балтыйскія дзяржавы. Да таго ж, Расея працягвае займацца кібервойнамі і прапагандай, каб падарваць бяспеку іншых краін, і не толькі сваіх суседзяў», - адзначыў Фэлан.
З ягоных слоў, у адказ Злучанае Каралеўства рупліва працуе для ўмацавання NATO.
«Толькі сёлета мы накіруем нашых вайскоўцаў да Эстоніі і Польшчы ў рамках узмацнення прысутнасці войскаў NATO ў зоне перадавога базавання», - падкрэсліў Фэлан.