Эстонія ўзначаліць ЕЗ у другой палове 2017 года
1- 23.01.2017, 20:14
- 16,564
У другой палове 2017 года Эстонія ўпершыню выступіць у ролі старшыні Рады Еўрапейскага звязу.
Гэта азначае фармаванне пазіцый Рады з улікам інтарэсаў усіх 28 краін-сябраў, захоўваючы пры гэтым нэйтральнасць.
Краіна - старшыня Рады змяняецца кожныя паўгода. Эстонія прыме эстафету старшынства ад Мальты, каб праз шэсць месяцаў, у сваю чаргу, перадаць яе Балгарыі.
Тры краіны-старшыні запар дамаўляюцца паміж сабой, якім сфэрам на еўрапейскім узроўні надаваць больш увагі. Гэта забяспечвае захаванне важных тэм у фокусе 18 месяцаў запар. Эстонія ўваходзіць у адное трыа з Балгарыяй і Аўстрыяй.
Непасрэдна перад пачаткам старшынства будзе падрыхтаваная змястоўная праграма старшынства Эстоніі, якая аб'ядноўвае ў сабе ўсе тэмы, якім Эстонія хацела б надаць больш увагі падчас свайго старшынства.
Раней прэм'ер-міністр Эстоніі Юры Ратас заявіў, што падчас свайго старшынства ў Еўрапейскім Звязе Эстонія зробіць усё магчымае для мірнага ўрэгулявання канфлікту на ўсходзе Украіны.