Януковіча выклікалі на допыт у Кіеў
9- 23.01.2017, 21:56
- 11,200
Збегламу прэзідэнту хочуць уручыць паведамленне аб змене падазрэння ў справе аб здрадзе.
Генпракурора апублікавала дзве позвы з выклікам на допыт былога прэзідэнта Украіны Віктара Януковіча, паведамляе korrespondent.net.
Як вядома, ДПУ падазрае Януковіча ў дзяржаўнай здрадзе. У якасці довадаў выступае фотакопія ягонай заявы ад 1 сакавіка 2014 года з просьбай увесці войскі Расеі на тэрыторыю краіны.
У дакументах сказана, што экс-прэзідэнт пражывае ў Растове-на-Доне на вуліцы Яроменка, 81, корпус «В».
Адной павесткай Януковіча выклікаюць на допыт у Галоўную вайсковую пракуратуру ДПУ ў Кіеве на 27 студзеня для ўручэння паведамлення «аб змене падазрэння і допыце ў якасці падазраванага» ў крымінальнай справе аб здрадзе.
Другой павесткай яго выклікаюць 30 студзеня для ўдзелу ў якасці падазраванага ў распачынанні стараной абвінавачвання матэрыялаў той жа крымінальнай справы.
Раней Януковіч паскардзіўся ў суд на ДПУ, заявіўшы, што разгляд справы аб учыненні ім дзяржаўнай здрады «незаконны». Ён адзначыў, што не атрымаў ніякай інфармацыі пра абвінавачванне ў злачынствах, у якіх яго падазраюць.