За скасаванне дэкрэта «аб дармаедах» падпісаліся ўжо больш за 15 тысяч беларусаў
5- 24.01.2017, 17:15
- 22,162
Збор подпісаў пад петыцыяй на сайце zvarot.by будзе прадаўжацца да 1 лютага.
З дапамогай петыцыі незалежныя прафзвязы хочуць прымусіць беларускіх чыноўнікаў скасаваць скандальны дэкрэт.
- Для пачатку паўсюдна збяром подпісы і накіруем іх у адрас Лукашэнкі, - раней распавёў «Салiдарнасцi» лідар Беларускага прафзвязу работнікаў радыёэлектроннай прамысловасці (РЭП) Генадзь Фядыніч. - Калі гэта не дапаможа і галасы людзей не будуць пачутыя, тады застаецца толькі адно - будзем рыхтаваць масавую акцыю пратэсту за скасаванне дэкрэта.
Адзначым, што арганізатары праводзяць збор подпісаў не толькі ў інтэрнэце, але і ў прафсаюзных офісах, якія знаходзяцца ў розных гарадах Беларусі.
Вы можаце:
Падпісаць онлайн-петыцыю «Не Дэкрэту №3 «Аб дармаедах!» на сайце zvarot.by тут.
Спампаваць формы для збору подпісаў за скасаванне Дэкрэта №3 на беларускай і расейскай мовах і папрасіць сваіх родных, сяброў і суседзяў падтрымаць людзей, якія патрапілі ў цяжкую сітуацыю, тут.
Падпісаць зварот у офісах прафзвязаў РЭП, БНП і СПМ, адрасы тут.
Спампаваць узоры заяваў у падатковыя органы, пракуратуру і КДК тут.
Нагадаем, што 17 лютага а 18-00 на Кастрычніцкай плошчы Менска пачнецца Марш раззлаваных беларусаў з патрабаваннем скасавання дэкрэта аб «дармаедах».