Сталі вядомыя намінанты на прэмію «Оскар»
4- 24.01.2017, 17:20
- 28,439
89-я цырымонія ўручэння ўзнагароды адбудзецца 26 лютага ў Лос-Анджэлесе.
У Лос-Анджэлесе абвешчаныя намінанты на прэмію «Оскар». У самай вялікай колькасці намінацый прэзентаваны «Ла-Ла Лэнд», які прэтэндуе на 13 узнагарод, у тым ліку за найлепшы фільм, паведамляе meduza.io.
Усяго ў «Ла-Ла Лэнда» 14 намінацый, аднак атрымаць ён зможа толькі 13 узнагарод - у катэгорыі «Найлепшая песня» на атрыманне прэміі вылучаныя дзве кампазіцыі з гэтага фільма.
Акрамя «Ла-Ла Лэнда», на «Оскар» за найлепшы фільм вылучаныя: «Прыбыццё», «Агароджы», «З меркаваннў сумлення», «Усякім коштам», «Леў», «Месяцовае святло», «Манчэстар ля мора» і «Схаваныя фігуры».
На «Оскар» таксама вылучаны рэжысёр «Ла-Ла Лэнда» Дам’ен Шазэл і выканаўцы галоўных роляў Раян Гослінг і Эма Стоўн.
На «Оскар» за найлепшую жаночую ролю таксама вылучаныя: Ізабэль Юпэр («Яна»), Рут Нега («Лавінг»), Наталі Портман («Джэкі») і Мэрыл Стрып («Флорэнс Фостэр Джэнкінс»).
«Ла-Ла Лэнд», у ліку іншага, намінаваны на прэмію за арыгінальны сцэнар. У гэтай катэгорыі таксама прэзентаваныя «Манчэстэр ля мора», «Лобстэр», «Усякім коштам» і «Жанчыны XX стагоддзя».
На ўзнагароду за рэжысуру, акрамя Шазэла, прэтэндуюць: Дэні Вільнёў («Прыбыццё»), Мэл Гібсан («З меркаванняў сумлення»), Кэнэт Лонэрган («Манчэстар ля мора») і Бары Джэнкінс («Месяцовае святло»).
У намінацыі «Найлепшы актор» на «Оскар» разам з Раянам Гослінгам вылучаныя: Кейсі Афлек («Манчэстар ля мора»), Эндру Гарфілд («З меркаванняў сумлення»), Вiга Мортэнсан («Капітан фантастыкі») і Дэнзел Вашынгтон («Агароджы»).
На ўзнагароду найлепшай актрысы ў ролі другога плана прэтэндуюць: Віёла Дэвіс («Агароджы»), Наомі Харыс («Месяцовае святло»), Ніколь Кідман («Леў»), Актавія Спэнсар («Схаваныя фігуры») і Мішэль Уільямс («Манчэстар ля мора»).