Мянчанка зламала руку ў тралейбусе, а кіроўца высадзіў яе і паехаў

Скандальны выпадак з удзелам кіроўцы грамадскага транспарту адбыўся а 9.00 раніцы 30 студзеня ў Менску.

Тралейбус рэзка затармазіў, пасажырка моцна ўдарылася плячом і зламала руку. Кіроўца не адрэагаваў на просьбу жанчыны пра дапамогу, высадзіў яе на найбліжэйшым прыпынку і з'ехаў. Пацярпелай выклікалі «хуткую».

Пра падрабязнасці здарэння ДАІ распавяла пацярпелая. Тралейбус №34 «Ангарская-4 — Зялёны луг-3» у раёне станцыі метро Магілёўская пачаў рухацца рыўкамі. Кіроўца абвясціў, што праз тэхнічныя непаладкі паедзе ў дэпо. Нечакана тралейбус затармазіў яшчэ раз, ад рэзкага спынення пасажырка не ўтрымалася і моцна ўдарылася плячом. Адчуўшы востры боль у плячы, жанчына пайшла да кіроўцу і звярнулася да яго за дапамогай.

— Са слоў пасажыркі нам вядома, што кіроўца прамармытаў нешта невыразнае і не адрэагаваў на просьбу аб дапамозе, — распавёў tut.by начальнік аддзела ДАІ Менгарвыканкама Сяргей Заранік. — Тады жанчына папрасіла высадзіць яе на найбліжэйшым прыпынку, яна выйшла на прыпынак, ёй стала дрэнна і жанчыне выклікалі хуткую.

У пасажыркі аказалася зламаная шыйка плечавой косткі. Цяпер ДАІ шукае кіроўцу тралейбуса.

Як заўважыў начальнік аддзела агітацыі і прапаганды АДАІ Менгарвыканкама Сяргей Заранік, непадатлівыя логіцы выпадкі з удзелам кіроўцы грамадскага транспарту адбываюцца ўсё часцей.

— Не пачакаў, зачыніў дзверы і з'ехаў. Але калі заціснуў дзвярыма, працягнуў па асфальце або выгнаў з тралейбуса пацярпелага пасажыра — гэта не паддаецца ніякай логіцы або законам чалавечнасці, — адзначыў Сяргей Заранік. — Я ўспамінаю выпадак, які адбыўся летась, калі кіроўца тралейбуса даслоўна выкінуў на канечным прыпынку мужчыну. У таго здарыўся сардэчны прыступ і ён не змог выйсці сам. Разумею, кіроўцы грамадскага транспарту спяшаюцца, едуць паводле графіку, але гэта не падстава так рабіць. Горш за ўсё, калі ў такой сітуацыі аказваюцца людзі пажылога ўзросту, якія ў сілу свайго фізічнага стану не могуць рэагаваць таксама хутка, як моладзь. Са свайго боку мы ўзмоцнім кантроль за выкананнем ПДР кіроўцамі грамадскага транспарту.

Дарэчы, пасля выпадку, калі кіроўца тралейбуса працягнуў па асфальце пажылога чалавека, ДАІ паехала ў рэйд, каб паназіраць, як выконваюць ПДР кіроўцы грамадскага транспарту. На шчасце, у канкрэтна гэтым выпадку парушэнняў было зафіксавана няшмат.

Самыя частыя парушэнні — размова падчас руху праз тэлефон, парушэнне правілаў манеўравання, парушэнне правілаў пасадкі і высадкі пасажыраў па-за прыпыначным пунктам, парушэнне хуткаснага рэжыму і праезд перакрыжаванняў на чырвонае святло.

— Больш за ўсё парушаюць у нас, як правіла, у ранішні або вячэрні час розруху. Асабліва гэта характэрна для кіроўцаў таго транспарту, які ідзе ў кірунку рынкаў — Экспабел, Ждановічы. У тыя напрамкі і маршруткі, і грамадскі транспарт ідзе вельмі шчыльна — кожная секунда на рахунку, ідзе барацьба за кожнага пасажыра. Удзень — радзей, бо няма такой нагрузкі і трафіку, — адзначаюць у ДАІ.

Паводле звестак ДАІ, за мінулы год у Менску было зафіксавана парадку 3362 выпадкаў парушэння ПДР і правілаў перавозкі пасажыраў кіроўцамі грамадскага транспарту, таксама было прыцягнута 225 службовых асоб.