Сяргей Гурэнка: Варункі працы – самі разумееце...

Галоўны трэнер дубль складу менскага «Дынама» распавёў пра тое, як прыйшоў у каманду.

Пра гэта піша афіцыйны сайт «Дынама».

- На прапанову ўзначаліць дубль пагадзіліся адразу?

– Мне патэлефанаваў Юрый Аляксандравіч, запрасіў пагутарыць, і пасля размовы прынялі пастанову аб працы. Я ведаў стаўленне Юрыя Аляксандравіча да падрыхтоўкі моладзі, разумеў адказнасць гэтай работы, таму адразу пагадзіўся. Плюс, гэта прапанова была вельмі цікавай для мяне.

- Якая мэта перад камандай агучвалася кіраўніцтвам?

– Падрыхтоўка гульцоў для галоўнай каманды. Неабходна падводзіць моладзь да асновы, каб футбаліст не адчуваў значнай розніцы ў пераходзе з дубль складу ў асноўны. Ну і развіццё ўсіх якасцяў: фізічных, тактычных і псіхалагічных.

- Першыя думкі пасля таго як вы пазнаёміліся з камандай і вашым фронтам працы – якія яны былі?

– Варункі працы – самі разумееце... Тыя варункі, якія мы б хацелі бачыць – у нас іх проста няма, а займацца арэндай даволі дорага. Плюс мы працавалі групай амаль дзевяноста чалавек – гэта сапраўды было б дорага для клуба. Таму нам даводзілася ездзіць на трэніроўкі ў Дзяржынскі раён, на комплекс «Веста». Хочацца падзякаваць кіраўніцтву за тое, што пайшлі нам на сустрэчу і далі выдатныя варункі для працы: добрае поле, трэнажорная зала, харчаванне – ніводзін дзень не прапаў па віне арганізацыйных момантаў, усё было на найлепшым узроўні, – сказаў Гурэнка.