Відэахіт: Мянчук зладзіў баі без правілаў са сваім дываном
20- 8.01.2017, 13:07
- 28,601
Замест таго, каб выбіць дыван, мужчына кінуўся з ім урукапашную прама на снезе.
Запіс паядынку з'явіўся на YouTube.
На відэа мужчына люта б'е нагамі дыван і перакідвае яго праз сябе. На зямлі некалькі разоў аказваюцца абодва ўдзельнікі «бойкі». Сутычка суправаджаецца напружанай музыкай.
Ролік на YouTube апублікавала мянчанка Віталя Пілюхіна. «Калі твой горшы вораг — гэта дыван. Або як у мяне за акном вяліся баявыя дзеянні», — напісала яна ў сваім Instagram, суправадзіўшы запіс хэштэгам «Менск».
За два дні відэа на YouTube паглядзелі амаль 400 тысяч разоў, запіс трапіў у раздзел «Набірае папулярнасць». «У гэтым роліку сэнсу, экшэна, напружання і сюжэтных паваротаў больш, чым ва ўсіх галівудскіх фільмах разам узятых за апошнія гадоў пяць», — пажартаваў нехта з карыстальнікаў у каментарах.