Знайшоўся палітвязень Ільдар Дадзін
3- 8.01.2017, 15:48
- 16,526
37 дзён сваякі і праваабаронцы не ведалі, дзе знаходзіцца актывіст.
Асуджаны расейскі актывіст Ільдар Дадзін знаходзіцца ў ВК-5 у Алтайскім краі, паведаміла ягоная жонка Анастасія Зотава, піша currenttime.tv.
З ейных слоў, Дадзін «сядзеў амаль месяц на перасыльным пункце ў Цюмені».
«Размова працягвалася ўсяго блізу хвіліны. Ільдар першай справай паведаміў, што ён знаходзіцца ў ВК-5 у Алтайскім краі. Большую частку снежня ён правёў на перасылцы ў Цюмені. Абыходзіліся з ім добра, ён толькі перажывае, што ў ВК-7 пасля таго, як усё сціхне, працягнуць катаваць людзей», - паведаміла жонка Дадзіна. На пачатку снежня Дадзіна этапавалі з сегежскай ВК-7 пасля таго, як ён паведаміў пра катаванні і збіццё ў калоніі. 37 дзён сваякі і праваабаронцы не ведалі, дзе знаходзіцца Дадзін.
@Alasta_ven 37 год, 37 день...
— Дмитрий (@Tourist67) 8 января 2017 г.
Раней пра тое, што Дадзін прыбыў у новую калонію, паведаміў намеснік кіраўніка ФСВП Валерый Максіменка і паабяцаў, што а 13:00 паводле Масквы актывіст патэлефануе сваякам: «З ім усё добра. Яму дадуць напісаць ліст, але ён будзе ісці некалькі дзён. Таму была прынятая пастанова дазволіць яму патэлефанаваць. Ён сам паведаміць, куды прыехаў, як ён, што з ім і дзе».
Жонка Дадзіна паведаміла ў твітэры, што ФСВП «зноў нахлусіў»:У канцы 2015-га суд прысудзіў Дадзіна да трох гадоў калоніі агульнага рэжыму. Затым тэрмін знізілі да двух з паловай гадоў. У лістападзе Дадзін распавёў пра катаванні ў калоніі №7 у Карэліі.
ой, ФСИН опять наврал про то, что Ильдар сегодня в 13-00 позвонит родственникам (никаких звонков нет, и я и мама сидим у телефона) pic.twitter.com/5VCvDTvjoc
— анастасия зотова (@Alasta_ven) 8 января 2017 г.
1 лістапада 2016 года Дадзін праз адваката апублікаваў адкрыты ліст, у якім паведаміў пра катаванні, збіццё і пагрозы, якія ў дачыненні да яго і іншых зняволеных прымяняла кіраўніцтва ВК-7. Начальніка калоніі пасля скаргі Дадзіна адхілілі ад працы.