29 сакавiка 2024, Пятніца, 2:39
Падтрымайце
сайт
Сім сім,
Хартыя 97!
Рубрыкі

Беларусь уводзіць пяцідзённы бязвізавы рэжым для грамадзян 80 краін

53
Беларусь уводзіць пяцідзённы бязвізавы рэжым для грамадзян 80 краін

Адпаведны ўказ падпісаў Лукашэнка.

Лукашэнка 9 студзеня падпісаў указ №8 «Аб устанаўленні бязвізавага парадку ўезду і выезду замежных грамадзян», паведамляе БелТА. Дакументам устанаўліваецца бязвізавы парадак уезду ў Беларусь на тэрмін не больш за 5 дзён пры ўездзе праз пункт пропуску праз Дзяржаўную мяжу Нацыянальны аэрапорт «Мінск» для грамадзян 80 дзяржаў.

Указ распаўсюджваецца на 39 краін Еўропы, уключаючы ўвесь Еўразвяз, а таксама Бразілію, Інданэзію, ЗША, Японію і іншыя дзяржавы.

Дакумент накіраваны на актывізацыю падарожжаў бізнэсоўцаў, турыстаў, прыватных асоб, якія маюць агульнаграмадзянскія пашпарты, і не будзе распаўсюджвацца на замежнікаў, якія ажыццяўляюць службовыя паездкі: дыпламатычныя, службовыя, спецыяльныя і іншыя прыраўнаваныя да іх пашпарты пад увагу брацца не будуць.

Для ўезду ў бязвізавым рэжыме неабходна мець пры сабе сапраўдны пашпарт ці іншы дакумент для выезду за мяжу, грашовыя сродкі (на кожны дзень знаходжання суму ў валюце або ў беларускіх рублях, эквівалентную не менш чым дзвюм базавым адзінкам), медыцынскі страхавы поліс на суму не менш за 10 тысяч еўраў, які дзейнічае ў Беларусі.

Для грамадзян В'етнама, Гаіці, Гамбіі, Гандураса, Індыі, Кітая, Лівана, Намібіі, Самаа абавязковым дадатковым патрабаваннем з'яўляецца наяўнасць у дакуменце для выезду за мяжу сапраўднай шматразовай візы дзяржаў ЕЗ або Шэнгенскай зоны з адзнакай аб уездзе на іх тэрыторыю, а таксама авіябілетаў з пацвярджэннем у іх вылету з Нацыянальнага аэрапорта «Менск» цягам 5 дзён з даты ўезду.

Новы парадак бязвізавага перамяшчэння не распаўсюджваецца на асоб, якія прыбываюць у Беларусь авіярэйсамі з Расеі, а таксама для тых, што маюць намер ажыццявіць вылет у аэрапорты Расеі (гэтыя рэйсы з'яўляюцца ўнутранымі, памежны кантроль на іх не вядзецца). Указ увойдзе ў дзеянне праз месяц пасля афіцыйнага апублікавання.

Напісаць каментар 53

Таксама сачыце за акаўнтамі Charter97.org у сацыяльных сетках