28 сакавiка 2024, Чацвер, 13:18
Падтрымайце
сайт
Сім сім,
Хартыя 97!
Рубрыкі

У МЗС Эстоніі зняпраўдзілі інфармацыю аб змене статусу краін Балтыі

У МЗС Эстоніі зняпраўдзілі інфармацыю аб змене статусу краін Балтыі

Статус краін Балтыі не мяняўся ў ААН з 1990-х гадоў.

Інфармацыя аб змене статусу краін Балтыі ў ААН з Усходняй Еўропы на Паўночную не адпавядае рэчаіснасці, сказала прэс-сакратарка міністэрства замежных спраў Эстоніі Сандра Камілава у каментары "Громадському".

"У ААН, што да таго, у якія групы ўваходзіць Эстонія, ніякіх змен не было зроблена. Згодна геаграфічнаму падзелу статыстычнага аддзела ААН, Эстонія належыць да краін Паўночнай Еўропы. Паводле падзелу рэгіянальных груп ААН, Эстонія ўваходзіць у групу Усходняй Еўропы. Гэтыя два падзелы не звязаныя паміж сабой і ў іх рознае прызначэнне", – адзначыла яна.

Камілава дадала, што статус краін Балтыі не мяняўся ў ААН з 1990-х гадоў ХХ стагоддзя.

Дэпутат Еўрапарламенту ад Латвіі Арціс Пабрыкс паведаміў 7 студзеня, што ААН афіцыйна мяняе статус дзяржаў Балтыі з Усходняй Еўропы на Паўночную Еўропу. "Гэта тое, да чаго мы належым", – напісаў ён.

Напісаць каментар

Таксама сачыце за акаўнтамі Charter97.org у сацыяльных сетках