28 сакавiка 2024, Чацвер, 19:03
Падтрымайце
сайт
Сім сім,
Хартыя 97!
Рубрыкі

Праз маразы над Польшчай навіс смог

1
Праз маразы над Польшчай навіс смог

Узровень забруджвання паветра ў многіх месцах Польшчы перавысіў усе дапушчальныя нормы.

Больш за ўсё атрутных субстанцый у атмасферы зарэгістравана ў Сілезскім ваяводстве, на тэрыторыі Рыбніка, дзе сутачная норма перавышаная ў сем разоў, і ў Радомска, дзе перавышэнні ўтрая, паведамляе «Радыё Польшча».

Смог, які прычыняе шкоду здароўю, навіс таксама над Кельце, Кракавам, Атвоцкам і Варшавай. У сталіцы Польшчы сёння праезд у гарадскім транспарце абвешчаны бясплатным, а ў СМІ гучаць папярэджанні для людзей з аслабленым здароўем аб асаблівай асцярожнасці, звязанай з выхадам на вуліцу.

Прадстаўнік Генеральнай інспекцыі абароны навакольнага асяроддзя Лешэк Карскі сказаў, што сітуацыі, якая склалася, спрыяюць цяжкія пагодныя ўмовы:

«У сувязі з паніжэннем тэмпературы, многія людзі ўключылі дадатковае абаграванне, сталі карыстацца індывідуальнымі крыніцамі цяпла, у тым ліку спальваць смецце і паліва нізкай якасці. І гэта паўплывала на пагаршэнне стану паветра. Сёння асаблівую трывогу выклікае шкоднасны пыл».

Удзельнікі няўрадавай арганізацыі «Горад з'яўляецца нашым» арганізавалі ў Варшаве ля помніка Стэфану Стажыньскаму (мэру Варшавы ў 1934-39 гг.) спецыяльны мітынг, на якім вылучалі патрабаванні для барацьбы са смогам.

Напісаць каментар 1

Таксама сачыце за акаўнтамі Charter97.org у сацыяльных сетках