Улады Швэцыі пачалі прымаць запазычанасць біткоінамі
5- 13.10.2017, 9:08
- 8,293
Служба прымусовага выканання Швэцыі пачала прымаць біткоіны, у якасці выплат завінавачанасці.
Адная са швэдскіх кампаній перавяла на рахунак Службы прымусовага выканання Швэцыі (SEA) 0,6 BTC ($3100), паведамляе SvD Näringsliv.
"Мы звыклі працаваць з банкаўскай сістэмай. Гэта актыў іншага кшталту, які дазваляе нам праводзіць аперацыі па-новаму", - заявіў прадстаўнік SEA Іаана Паулсон.
Улады не плануюць трымаць біткоіны і правялі аўкцыён для іх продажу. Аднак прадстаўнікі SEA сцвярджаюць, што продаж біткоінаў на аўкцыёне вымушаны захад, бо на дзяржаўным узроўні не існуе структур, якія б падавалі паслугі для адкрыцця рахункаў у біткоінах.
Раней астраўная дзяржава Вануату, размешчаная ў паўднёва-заходняй частцы Ціхага акіяна, заявіла, што прымае біткоіны ў якасці аплаты за праграму атрымання грамадзянства.