Чаму збанкрутаваў адзін з найбуйнейшых забудоўшчыкаў Менска?

Кампанія «Фарт і В» вяла забудову кварталаў у цэнтры сталіцы.

На заяву крэдытораў Эканамічны суда Менска пачаў справу аб банкруцтве кампаніі «Фарт і В», якая вяла забудову кварталаў у цэнтры сталіцы.

Як паведамляецца на сайце Адзінага дзяржаўнага рэестра звестак аб банкруцтве, заяву ў суд накіравалі крэдыторы гэтай кампаніі - «Брайс Компані Холдынг Інк» і «Сантэхэнэрга». З 6 кастрычніка суд пачаў разгляд гэтай справы. З гэтай жа даты ўведзены абаронны перыяд, які будзе доўжыцца да 6 снежня 2017 года.

Як удакладняе «Заўтра тваёй краіны» кампанія «Фарт і В» у 1990 годзе стварылі Валянцін Фенюк і Артур Фенюк. Менавіта яна некалькі гадоў таму пачала забудову квартала ў раёне вуліц Няміга, Рэвалюцыйная, Гарадскі вал і Камсамольская. Першыя аб'екты былі здадзеныя ў 2014 годзе. У 2015 годзе пачаў працу гандлёвы цэнтр «Метраполь».

Але менавіта з гэтага перыяду праз нявыплаты арандатарамі пачынаюцца фінансавыя праблемы - у «Фарт і В» з'яўляюцца і растуць завіначанасці за ўзятыя крэдыты і перад падрадчыкамі на будоўлях. Адным з крэдытораў «Фарт і В» і іншай кампаніі Артура Фенюка «Інграда» з'яўляецца «Дэльта Банк», які ў жніўні 2015 года быў прызнаны банкрутам. У рамках распачатага лiквiдацыйнага вядзення банка і выплаты яго завінавачанасці «ўсплыла» запазычанасць кампаній Фенюка Артура. З ініцыятывы «Дэльта Банка» быў накладзены арышт на закладзеную маёмасць (некалькі памяшканняў на вуліцы Няміга 5), а ў снежні 2016 года на таргі выстаўляецца дэбіторская запазычанасць «Фарт і В» і «Інграда» перад банкам на суму 2 млн даляраў.

Цягам 2015-2016 гадоў прэтэнзіі да гэтых кампаніям выстаўлялі іншыя крэдыторы. У 2017 годзе ў судах разглядаюцца пазовы з боку кампаніі «Брайс Компані Холдынг Інк».

«Фарт і В» і «Інграда» таксама часта траплялі ў спісы завінавачаных перад бюджэтам.

Цягам 2017 года спіс банкрутаў-дэвелапераў папоўнілі «Фарт-плюс» (Імпульс-2), ФК «СКВІЧ», «Карповіч», «Маноліюм-працэсінг», «Інвестыцыйна-будаўнічая кампанія «Аляксандраў-груп» ды іншыя менш вядомыя інвестары ў нерухомасць на рынку Беларусі.