У Маскве пікетавалі амбасаду Беларусі
10- 13.10.2017, 19:25
- 42,118
Гісторыкі правялі пікеты ў знак салідарнасці з выкладчыкам Пятром Рабавым.
У Маскве насупраць амбасады Беларусі ў пятніцу, 13 кастрычніка, праходзіць серыя адзіночных пікетаў у падтрымку асуджанага ў Баранавічах расейскага выкладчыка Пятра Рабава, распавёў РБК арганізатар акцыі прафесар Інстытута ўсеагульнай гісторыі РАН Вадзім Дам’е.
«Мы праводзім сем пікетаў, у руках плакаты тыпу «Лекцыя па гісторыі не злачынства» і «З якога часу філасофія забароненая», - распавёў Дам’е. З ягоных слоў, паліцыя нікога з удзельнікаў пікету не затрымлівае.
Дацэнт кафедры філасофіі Маскоўскага педагагічнага ўніверсітэта Пётр Рабаў, які прыехаў у Горадню і Баранавічы, каб прачытаць лекцыі па анархізму і палітычнай філасофіі, быў затрыманы беларускай міліцыяй. 11 кастрычніка суд Баранавіцкага раёна і горада Баранавічы арыштаваў Рабава паводле арт. 17.1 КоАП Беларусі (дробнае хуліганства) і прысудзіў да шасці дзён у ізалятары часовага ўтрымання горада Баранавічы. Пасля абвяшчэння прысуду Рабаў абвясціў сухую галадоўку.
Як распавёў арганізатар лекцый Рабава ў Беларусі (пажадаў захаваць ананімнасць), выкладчыка абвінавацілі ў тым, што ён нецэнзурна лаяўся ў публічным месцы.
Пётр Рабаў - кандыдат філасофскіх навук, дацэнт кафедры філасофіі Маскоўскага педагагічнага дзяржаўнага ўніверсітэта імя. У.І. Леніна, чытае лекцыі аб анархізму ў адукацыйным цэнтры «Архэ». Ён даследуе гісторыю і філасофію анархізму. Таксама Рабаў напісаў кнігі «Кароткі нарыс гісторыі анархізму ў XIX-XX стагоддзях», «Гісторыя рускага народа і расейскай дзяржавы» і «Культура Элады».