Кіраўнік Каталоніі прапанаваў Мадрыду перамовы

Ліст быў адпраўлены прэм'ер-міністру Гішпаніі.

Прэзідэнт жэнералітату Каталоніі Карлес Пучдэмон па заканчэнні тэрміну ультыматуму Мадрыда 16 кастрычніка накіраваў ліст прэм'ер-міністру Гішпаніі Марыяна Рахою. Пра гэта паведамляе El Mundo (пераклад - gordonua.com).

У сваім лісце Пучдэмон так і не ўдакладніў, ці абвясціла Каталонія пра сваю незалежнасць пасля падпісання дэкларацыі.

Кіраўнік Каталоніі прапанаваў Рахою абмеркаваць цягам наступных двух месяцаў сітуацыю з рэферэндумам і абвяшчэннем незалежнасці рэгіёна.

Пучдэмон намагае, што большасць жыхароў Каталоніі хочуць пачаць свой шлях як незалежная краіна.

Міністр унутраных спраў Гішпаніі Хуан Ігнасіё Сойда заявіў, што калі Пучдэмон не адкажа адназначна, ці абвяшчаў ён незалежнасць рэгіёна, Гішпанія можа ўзяць Каталонію пад свой кантроль.

10 кастрычніка дэпутаты каталонскага парламента прынялі дакумент аб незалежнасці Каталоніі. У тэксце сказана, што ўлады Каталоніі засноўваюць «Каталонскую Рэспубліку ў якасці незалежнай і суверэннай дзяржавы». Сярод тых, хто падпісаў дэкларацыю быў Пучдэмон.

У той жа час ён заявіў, што хоць Каталонія і здабыла права на незалежнасць, фармальнае абвяшчэнне аб аддзяленні рэгіёну ад Гішпаніі неабходна адкласці на некалькі тыдняў.

Вышэйшы суд Каталоніі 11 кастрычніка заявіў, што дэкларацыя аб незалежнасці рэгіёна не мае юрыдычнай сілы.