Навукоўцы знайшлі спосаб падоўжыць маладосць

Экспэрты выявілі групу бялкоў, якія ўплываюць на механізм, які рэгулюе працягласць жыцця.

Навукоўцы з Універсітэта Кейс Вестэрн Рэзерв выявілі групу бялкоў, якія ўплываюць на малекулярны механізм, які адказвае за працягласць жыцця чарвякоў і млекакормячых. Пра гэта гаворыцца ў дакладзе, апублікаваным у часопісе Nature Communications (пераклад - korrespondent.net).

Падчас даследавання спецыялісты высветлілі, што падвышэнне або памяншэнне канцэнтрацыі бялкоў KLF, якія рэгулююць актыўнасць генаў, дазваляе падаўжаць ці скарачаць жыццё круглых нематод Caenorhabditis elegans.

Адзначаецца, што KLF прысутнічае не толькі ў чарвякоў, але і ў млекакормячых, уключаючы чалавека. Гэтыя злучэнні душаць экспрэсію генаў, падчас якой інфармацыя ДНК выкарыстоўваецца для сінтэзу біяпалімераў.

Таксама гэтая група бялкоў кантралюе аўтафагію, спрыяючы знішчэнню дэфектных клетак, іх арганэл і пабочных прадуктаў жыццядзейнасці. У выніку зніжэння ўзроўню KLF адбываецца назапашванне таксічных рэчываў у клетках, што прыводзіць да старэння арганізма.

Акрамя таго, гэтыя бялкі важныя для падтрымання функцыі крывяносных сасудаў, а іх страта правакуе развіццё гіпертаніі, сардэчна-сасудзiстых захворванняў і дэменцыі.

У даследаванні падкрэсліваецца, што за кошт павышэння канцэнтрацыі KLF у арганізме чалавека можна істотна павялічыць працягласць жыцця.