Спецназ Касцюшкі

Касцюшка скапіраваў амерыканскіх рэйнджэраў і стварыў новы від войскаў, правобраз снайпераў.

З рэйнджэрамі літвін пазнаёміўся падчас вайны за незалежнасць ЗША.

"Стральцы цэльныя" (Strzelcy celni) набіраліся з паляўнічых. Асабліва з курпяў - жыхароў лясістага польска-прускага памежжа.

Наш зямляк асабіста напісаў інструкцыю іхнага навучання. Іх узбройвалі ў прускія і польскія вінтаваныя штуцэры большай дальнасці стральбы чым у расейскай пяхоты. Дзейнічалі яны, як егеры, у свабоднай фармацыі, у адрозненне ад пяхоты, якая атакавала сціслым шыхтом.

Ужо ў вайне за канстытуцыю 1792 г. удзельнічала некалькі такіх батальёнаў.

На выяве пазнейшыя цэльныя стральцы перыяду Лістападаўскага Паўстання. Звярніце ўвагу на колеры ўніформы. Яна... Камуфляжная.

Сяргей Пеляса, facebook.com