Магілёўская прадпрымальніца заклікала калег выйсці на Плошчу

Перамагчы можна толькі разам.

Прадпрымальнікі застаюцца «пратэстным класам» беларускага грамадства. Улады не раз запускалі руку ў кішэню ІП. Стаць гаспадарамі ў сваёй краіне і выйсці на Марш абураных беларусаў 2.0 заклікала магілёўская актывістка і прадпрымальніца Вольга Тышкевіч:

«Мікалай Статкевіч - найлепшы палітык нашай краіны! Чаму? Таму што ён чуе просты народ, перажывае за кожнага, каму даводзіцца пакідаць краіну, за тых, каму не стае на хлеб, за тых, хто звольнены з працы. Чалавек, якому я магла б даверыць краіну і не баяцца за будучыню сваіх дзяцей. Ён чалавек, які зможа навесці ў ёй парадак, бо любіць Беларусь, любіць свой народ! Ахвяруе сваёй cвабодай для нас. Ён блізкі да простых людзей. Дзякуй за ўсё, Мікалай Віктаравіч. Ад імя ўсіх прадпрымальнікаў і беспрацоўных. Перамагчы можна толькі разам. 21 кастрычніка, 14:00, Кастрычніцкая плошча Менска».