ЕЗ увёў новыя санкцыі супраць Паўночнай Карэі
1- 16.10.2017, 16:49
- 9,031
ЕЗ увёў абмежаванні на гандаль нафтай, правядзенне фінансавых транзакцый і стварэнне супольных прадпрыемстваў.
Еўрапейскі Звяз увёў новыя эканамічныя санкцыі ў дачыненні да КНДР. Аб гэтым паведамляецца ў заяве Рады Еўропы, піша сайт segodnya.ua.
ЕЗ увёў абмежаванні на гандаль нафтай, правядзенне фінансавых транзакцый і стварэнне супольных прадпрыемстваў.
Санкцыі ўводзяцца ў сувязі з развіццём Паўночнай Карэяй ядзерных і ракетных праграм.
«Прымаючы пад увагу пагрозу міжнароднаму міру і стабільнасці, якая прадаўжае зыходзіць ад КНДР, новыя забаронныя захады ўжытыя, каб націснуць на КНДР для выканання яе міжнародных абавязацельстваў, указаных у некалькіх рэзалюцыях Рады бяспекі ААН», - адзначылі ў Радзе Еўропы.
Новыя санкцыі закрануць трох чыноўнікаў і шэсць арганізацый.
Нагадаем, 11 верасня Рада Бяспекі ААН ухваліла новыя санкцыі ў дачыненні да Паўночнай Карэі, але ў рэзалюцыю не ўключылі жорсткія захады, прапанаваныя адміністрацыяй прэзідэнта ЗША. Паўночная Карэя папярэдзіла, што ўзмацненне жорсткасці санкцый і ціску толькі паскорыць яе ядзерную праграму. У сваёй заяве Пхеньян назваў новыя санкцыі ААН «самым злосным, неэтычным і нялюдскім актам варожасці».