Яшчэ адна прычына прыйсці на Марш 21 кастрычніка
1- 17.10.2017, 10:29
- 15,840
У Сеціве прадаўжаюць з'яўляцца плакаты з заклікамі далучыцца да Маршу абураных беларусаў 21 кастрычніка ў Менску.
Гэтым разам было паднятае балючае для большасці беларусаў пытанне падвышэння камунальных выплат, паведамляе прэс-служба Беларускага Нацыянальнага Кангрэсу.
«Не хочаш «камуналку» ў 5 разоў большую? Чакаем на Маршы!» - гаворыцца ў подпісе на плакаце.
Марш абураных беларусаў 2.0 пройдзе 21 кастрычніка а 14.00 на Кастрычніцкай плошчы Менска. Галоўныя патрабаванні маршу - скасаванне дэкрэта №3 і іншых незаконных пабораў, падвышэнне пенсій і заробкаў. На акцыі таксама падымуць праблему дзедаўшчыны, беззаконня і самаўпраўнасці ў беларускім войску.
Нагадаем, з 1 студзеня 2018 года беларусы пачнуць аплачваць амаль усе паслугі ЖКГ поўным коштам. Субсідыяванай застанецца толькі цеплавая энэргія. Больш за тое, паводле абноўленай версіі дэкрэта №3 плануецца, што камуналка для непрацоўных грамадзян каштавацьме ў 5 разоў даражэй.