28 сакавiка 2024, Чацвер, 11:54
Падтрымайце
сайт
Сім сім,
Хартыя 97!
Рубрыкі

Восем рэчаў, якія старажытныя егіпцяне вынайшлі задоўга да нас

15
Восем рэчаў, якія старажытныя егіпцяне вынайшлі задоўга да нас

Тэхнічны прагрэс старажытных цывілізацый можа толькі здзіўляць.

Здаецца, што старажытныя людзі абавязкова павінны адрознівацца ад нас. Дзіўныя звычаі, невядомая мова і г.д. Але не, як паказвае археалогія, не такія мы розныя, як нам падаецца.

AdMe.ru сабраў цікавыя адкрыцці пра жыццё старажытных егіпцян, якія ў гэтым пераканаюць.

1. Здабывалі жалеза з метэарытаў

Археолагі знайшлі ў старажытнаегіпецкім магільніку металічныя пацеркі. Іх унікальнасць у тым, што жалеза ў Егіпце пачалі выплаўляць толькі праз 2 000 гадоў. Адкуль тады з'явіліся гэтыя пацеркі? Адказ дае іерогліф, якім пазначалі жалеза, - ён перакладаецца як «метал з неба». Хутчэй за ўсё, пацеркі былі зроблены менавіта з метэарыта.

2. Вынайшлі зубную пасту

Захаваліся довады, што старажытныя егіпцяне ўжо з 5000 года да н. э. рабілі зубную пасту - парашок, які складаецца з розных інгрэдыентаў, даступных у той час (сярод іх спаленыя шкарлупіны яек і пемза). Аднак да нашых часоў не дайшлі звесткі, як менавіта яны выкарыстоўвалі гэтую пасту. Тут застаецца толькі здагадвацца.

3. Лячыліся антыбіётыкамі

Нягледзячы на тое, што антыбіётыкі афіцыйна вынайшлі ў ХХ стагоддзі, старажытнаегіпецкія лекары выкарысталі цвілыя хлебныя аладкі ў якасці лекаў ад гнойных ран, прычым такія прымочкі дзейнічалі вельмі эфектыўна.

4. Заснавалі першую ў свеце паліцыю

Першая ў свеце паліцыя з'явілася падчас Сярэдняга Царства (блізу 2050-1800 года да н. э.). Фармавалася яна з найбольш адданых ваяроў і замежных наймітаў. У суправаджэнні сабак і малпаў яны абаранялі храмы і плошчы, вяльможаў і караваны ад злачынцаў. Зусім як сучасныя паліцэйскія (толькі што без малпаў).

5. Аднымі з першых пачалі рабіць піва

Агульнавядомы той факт, што будаўнікам вялікіх пірамід налівалі 4-5 літраў піва. Гэта сведчыць аб тым, што піваварства ў іх было вельмі развітым. Егіпет адным з першых стаў рабіць гэты пенны напой.

6. Хірургі рабілі вельмі складаныя аперацыі

Старажытныя егіпцяне валодалі унікальнымі медыцынскімі ведамі, супастаўнымі з сучаснай медыцынай. Сучасныя навукоўцы, вывучаючы муміі, знайшлі сляды такіх аперацый, як шунтаванне сэрца, перасадка органаў і нават пластычныя аперацыі. Шкада, што іх веды былі страчаныя, невядома, якіх бы вышынь дасягнулі старажытныя лекары цяпер.

7. Выкарыстоўвалі замок для дзвярэй

Дзвярныя замкі прыдумалі ў Егіпце, Кітаі і Міжрэччы. Магчыма, праз тое, што ўзнікла ў іх неабходнасць. Чым больш людзей жывуць побач, тым больш з'яўляецца падстаў замкнуць дзверы на замок. Яны былі вырабленыя з дрэва і гэта быў найпрасцейшы механізм.

8. Гулялі ў боўлінг

У старажытнаегіпецкім селішчы каля Каіра знайшлі гульнявы пакой з высечанымі ў камені дарожкамі з наборам розных паводле памеру шароў з адтулінай пасярэдзіне, узрост датуецца прыкладна 3200 годам да н. э. Правілы трохі адрозніваліся, але ўсё адно самая гульня засталася вельмі вядомай.

Напісаць каментар 15

Таксама сачыце за акаўнтамі Charter97.org у сацыяльных сетках