Мінпрацы і падатковая распавялі пра падводныя камяні ўказа аб «самазанятасці»

Галоўныя нюансы звязаныя з выплатамі ў пенсійны фонд.

У Беларусі з 22 кастрычніка пашыраць спіс тыпаў дзейнасці, пад якія фізічным асобам не трэба адкрываць ІП. Спецыялісты профільных міністэрстваў распавялі нюансы рэалізацыі ўказу №337 аб рэгуляванні дзейнасці без рэгістрацыі ІП, паведамляе Нацыянальны прававы інтэрнэт-партал.

У 2006 годзе пералік з 18 тыпаў дзейнасці для самазанятасці ўжо быў вызначаны ў Падатковым кодэксе. Цяпер ён пашыраны за кошт тынкавых, малярных, шкляных работ, зборкі і перацяжкі мэблі, рэалізацыі хлебабулачных і гатовых кандытарскіх вырабаў, выпусканне жылых памяшканняў у кароткатэрміновую арэнду і іншых заняткаў.

«Прапанаваныя тыпы дзейнасці не патрабуюць атрымання ліцэнзіі, спецыяльных дазволаў, грамадзянін валодае навыкамі і ўменнямі і можа прапанаваць работы і паслугі, якія ён сапраўды ўмее выконваць», - патлумачыла пазіцыю МПЗ па пашырэнні пераліку намесніца Міністра падаткаў і збораў Святлана Шаўчэнка.

Перад тым, як прыступіць да працы, трэба пісьмова паведаміць у падатковую па месцы жыхарства аб жаданні выконваць дзейнасць без рэгістрацыі ІП. Пры гэтым трэба пазначыць тып дзейнасці і тавараў (паслуг), месца і перыяд яе выканання.

Цяпер у краіне налічваецца больш за 19 тысяч самазанятых фізічных асоб, паведаміла Святлана Шаўчэнка. Яны папоўнілі дзяржбюджэт на 1 мільён 600 тысяч рублёў. Ад грамадзян, якія працуюць паводле заяўнага прынцыпу, не патрабуецца даваць справаздачы і дэкларацыі ў падатковыя органы, весці кнігі праверак і іншае.

Не мае да іх прэтэнзій і Мінпрацы - ад грамадзян, якія працуюць паводле заяўнага прынцыпу, напрыклад, не спатрэбіцца весці кнігу скаргаў і прапаноў.

Зрэшты, праз указу №337 унясуць некаторыя змены ў законапраект «Аб абароне правоў спажыўцоў», які быў прыняты «дэпутатамі» ў першым чытанні ў чэрвені гэтага года. У дакуменце будзе пашыранае кола адказных перад спажыўцом асоб - дапоўнена вызначэнне «выканаўца», паведаміла начальніца ўправы абароны правоў спажыўцоў і кантролю за рэкламай МАРТ Ірына Барышнікава. Акрамя таго, калі суб'екты гаспадарання пры рэалізацыі тавараў (работ, паслуг) абавязаны выдаць спажыўцу дакумент, які пацвярджае аплату, то фізічным асобам МАРТ прапануе выдаваць такі дакумент толькі на патрабаванне спажыўца.

Таксама фізічных асоб не абавязваюць выкарыстоўваць у сваёй працы касавыя апараты. Адзіны падатак павінен штомесяц выплачвацца да пачатку дзейнасці (але толькі за тыя месяцы, калі яна рэальна будзе выконвацца), можна таксама плаціць наперад за квартал ці год. Калі падчас праверак высветліцца, што фізасоба працавала без выплаты падатку, першы раз абыдзецца толькі папярэджаннем і выплатай сумы, якой не стае, паводле ўстаноўленай стаўкі, затое трапіўшы на парушэнні паўторна давядзецца заплаціць дзяржаве суму, якая пяцікратна перасягае суму падатку. Больш падрабязна гэтыя і іншыя пытанні па тэме можна вывучыць ў спецыяльнай раздзеле на сайце МПЗ.

Дарэчы, можна адначасова выконваць адзін і той жа тып дзейнасці і як ІП, і як фізасоба, распавяла Святлана Шаўчэнка. Праўда, не выключана, што ў выніку стаўкі падатку для індывідуальнага прадпрымальніка і для самазанятай асобы будуць аднолькавымі - сумы ставак падатку для самазанятасці асоб павінны цягам месяца з прыняцця Указа №337 вызначыць Менгарвыканкам і абласныя саветы дэпутатаў. Сумы ставак, як правіла, устанаўліваюцца раз на год.

Ёсць для грамадзян, якія вядуць дзейнасць паводле заяўнага прынцыпу свае нюансы і ў выплаце ўнёскаў у Фонд сацыяльнай абароны насельніцтва. Пакуль у іх няма магчымасці зарэгістравацца і самастойна плаціць унёскі ў ФСАН, як, напрыклад, у рамеснікаў. Але магчымасць даць ім права самастойна выплачваць унёскі на сацыяльнае страхаванне цяпер разглядаецца, праінфармаваў намеснік міністра працы і сацыяльнай абароны Валерый Кавалькоў.