Стала вядома, як беларусы будуць адпачываць у лістападзе
5- 18.10.2017, 12:55
- 59,545
Нас чакаюць вялікія выходныя.
Як вядома, 7 лістапада - выходны дзень і выпадае ён на аўторак.
Але яшчэ год таму, 9 лістапада 2016 года, саўмін прыняў пастанову аб пераносе працоўнага дня з 6 лістапада 2017 года (панядзелак) на суботу, 4 лістапада, піша nn.by.
Такім чынам выходнымі будуць тры дні: 5-7 лістапада (нядзеля-аўторак).
Школьнікам у гэтай сітуацыі пашанцавала больш, вакацыі прадоўжацца да 7 лістапада (уключна) і яны будуць рэкорднымі ў працягласці. Дзеці пойдуць у школу толькі ў сераду 8 лістапада.
Нагадаем таксама 25 снежня (каталіцкія і пратэстанцкія Каляды) сёлета прыпадае на панядзелак, таму ў снежні нас чакаюць тры выходных запар: з суботы да панядзелка (23-25 снежня).
Інтрыга застаецца што да першых дзён новага 2018 года.
1 студзеня - панядзелак, і, магчыма, саўмін дадасць беларусам выходны 2 студзеня. А магчыма, і не.