Google пабудуе ў Таронта раён будучага
9- 18.10.2017, 19:06
- 12,283
Жыхары «разумнага раёна» будуць перасоўвацца на беспілотных шатлах і роварах.
Alphabet Inc., матчына кампанія Google, пабудуе «раён будучыні» ў Таронта. Пра гэта заявіў прэм'ер-міністр Канады Джасцін Трудо, піша liga.net са спасылкай на The Financial Times.
Праектам зоймецца Sidewalk Labs, даччыная структура Alphabet. Пад «раён будучыні» выдзелілі амаль 5 га зямлі на беразе Антарыё. У будучыні плошчу могуць павялічыць да 323 га.
Раён будзе адаптаваны пад рух беспілотнага транспарту і грузавых дронаў, прычым маршруты для дронаў пракладуць пад зямлёй.
Раён абсталююць сістэмай датчыкаў, якія будуць кантраляваць усе сферы жыццядзейнасці: ад запаўнення смеццевых кантэйнераў - да ўзроўню шуму ў дамах.
Кампанія таксама прапануе адмовіцца ад выкарыстання асабістага аўтатранспарту, а жыхароў раёна перасадзіць на беспілотныя шатлы і ровары. Дарожкі для веласіпедыстаў абяцаюць падаграваць зімой.
Sidewalk Labs абяцае выдаткаваць $50 млн на распрацоўку і тэставанне праекта.