Выходзіць каляндар на 2018 год з беларускімі словамі на кожны дзень

Кампанія «Будзьма беларусамі!» Працягвае свой папулярны праект - каляндар «Не маўчы па-беларуску».

Каляндар «Не маўчы па-беларуску» - гэта сакавітыя беларускія словы, праілюстраваныя арыгінальнымі малюнкамі на кожны дзень. Кожны месяц адзначаны той ці іншай прыказкай, піша nn.by.

Прыхільнікаў усяго беларускага чакаюць 365 арыгінальных малюнкаў мастачкі і аўтара ідэі Дар'і Мандзік, падпісаных тысячамі цікавых беларускіх слоў і словазлучэнняў. Ёсць нават слоічак са шмаравідлам...

Як вядома наступны год - год Сабакі паводле ўсходняга календара. Аўтары выдання наважылі паказаць, што сабака і для нас не чужы, таму сабралі і ілюстравалі 12 найбольш цікавых беларускіх «сабачых» прымавак!

Традыцыйна складаннем і дызайнам календара займаліся Дар'я Мандзік і кіраўнік студыі «Адліга» Анатоль Лазар.

Замовіць каляндар па адмысловым кошце - 8 рублёў - можна на Symbal.by.

Усе, хто зробіць перадзамову, атрымаюць каляндар адразу пасля таго, як яны выйдуць з друкарні - на працягу двух-трох тыдняў.

Пасля каляндар «Не маўчы па-беларуску» можна будзе набыць у краме Symbal.by на праспекце Машэрава, 18 у Менску.