Беларускія відэаблогеры: Прыхільнікаў улады проста не засталося

Як беларускі «YouTube» ператварыўся ў палітычную сілу.

На канале расейскага палітыка і блогера Аляксея Навальнага, які сам ужо фактычна ператварыўся ў інтэрнэт-мем, амаль паўтара мільёна падпісчыкаў, і ўсе гэтыя людзі актыўна абмяркоўваюць зададзены ім парадак дня.

Акрамя гэтага, ніякае пастанова мясцовага суда не можа выдаліць ролік з амерыканскага сэрвісу, гаворыцца ў рэпартажы belsat.eu.

Аўтарытарным уладам гэта не падабаецца

Сярод папулярных блогераў з СНД «Kamikadzedead», а таксама журналіст Анатоль Шары, які асвятляе пераважна тэмы, звязаныя з Украінай.

А што ў Беларусі?

Тут на адным з першых месцаў канал «NEXTA». Праўда, пакуль свой твар аўтар не паказвае.

«Я пачаў думаць што трэба стварыць альтэрнатыву нейкую дзяржаўным каналам! Вядома ёсць «Белсат», але «Белсат» для больш вузкай аўдыторыі, а я думаў, што ствару праект па-руску, каб людзі з постсавецкай прасторы таксама ведалі, што адбываецца ў Беларусі», - кажа блогер.

Як вынік - амаль 70 тысяч падпісчыкаў і ролікі, якія маюць па некалькі мільёнаў праглядаў.

Са слоў суразмоўцы, нашы суседзі жывуць стэрэатыпамі пра Беларусь. Калі ж бачаць альтэрнатыўную карціну, моцна абураюцца і дзівяцца.

«Пляцоўка« Youtube »вельмі важная як камунікацыя з грамадствам і ахоплівае даволі шырокую групу насельніцтва, і шмат у чым гэта дае магчымасць дастукацца да людзей, якія не заўсёды цікавяцца палітыкай», - дадае аўтар канала «NEXTA».

Сярод такіх альтэрнатыўных медыя - і канал «Гарантий нет» гомельскага блогера Максіма Філіповіча, а таксама хлопцы з праекту «Роторная жатка». Але асаблівасцю айчыннага «Youtube» з'яўляецца тое, што людзей, якія ўхваляюць улады ці кажуць, што ў Беларусі ўсё добра, проста няма.