Па кім звоніць бразгат беларускіх медзякоў?
5- 20.10.2017, 17:42
- 22,863
Заўтра можна будзе пачуць «Бразготку справядлівасці».
Беларусаў заклікаюць браць з сабой на заўтрашні Марш пластыкавыя бутэлькі з манетамі.
Пра гэта ў «Фэйсбуку» напісала грамадская актывістка і рэжысёрка Вольга Нікалайчык.
«21.10.17. Кастрычніцкая плошча. 14.00. Марш абуранага народа! Беларусы, возьмем бразготкі, каб нас пачулі ўлады! Выйдзем на Кастрычніцкую з пластыкам і капейкамі, якія мы зарабляем! Зрабі «бразготкі справядлівасці»! Пабразгочам на поўную моц!» - напісала актывістка.
Нагадаем, заўтра, 21 кастрычніка а 14.00 на Кастрычніцкай плошчы ў Менску пачнецца Марш абураных беларусаў 2.0. Галоўныя патрабаванні маршу - скасаванне дэкрэта №3 і іншых незаконных пабораў, падвышэнне пенсій і заробкаў. На акцыі таксама падымуць праблему дзедаўшчыны, беззаконня і самаўпраўнасці ў беларускім войску.